ಕ್ರಿಕೆಟ್ ಅಥವಾ ದೈಹಿಕ ಚಟುವಟಿಕೆಯ ಆಟ ಆಡುವಾಗ ಅಥವಾ ಜಿಮ್‌ನಲ್ಲಿ ಕಠಿಣ ವ್ಯಾಯಾಮ ಮಾಡುವಾಗ ಹಠಾತ್ ಹೃದಯಾಘಾತ ಸಂಭವಿಸುವುದು ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತಿದ್ದು, ಇದು ಕಳವಳಕಾರಿ ಸಂಗತಿಯಾಗಿದೆ. ತೀವ್ರವಾದ ದೈಹಿಕ ಶ್ರಮ ಮತ್ತು ಹೃದಯದ ಮೇಲಾಗುವ ಹಠಾತ್ ಒತ್ತಡವೇ ಈ ಸಮಸ್ಯೆಗೆ ಪ್ರಮುಖ ಕಾರಣ ಎನ್ನಲಾಗುತ್ತಿದೆ.
ಕ್ರಿಕೆಟ್ ಆಡುವ, ಜಿಮ್‌ಗೆ ಹೋಗುವ ಅಥವಾ ನಿಯಮಿತವಾಗಿ ವ್ಯಾಯಾಮ ಮಾಡುವವರಲ್ಲಿ ಹೃದಯ ಸಂಬಂಧಿತ ಸಮಸ್ಯೆಗಳ ಅಪಾಯ ಕಡಿಮೆ ಇರುತ್ತದೆ ಎನ್ನುವುದು ಹೆಚ್ಚಿನವರ ಅಭಿಪ್ರಾಯ, ಯಾಕೆಂದರೆ ನಿಯಮಿತ ದೈಹಿಕ ಚಟುವಟಿಕೆಯು ಹೃದಯದ ಸ್ನಾಯುಗಳನ್ನು ಬಲಪಡಿಸುತ್ತದೆ, ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ ಮತ್ತು ಒಟ್ಟಾರೆ ಆರೋಗ್ಯ ವನ್ನು ವೃದ್ಧಿಸುತ್ತದೆ. ಇದು ನಿಜ ಕೂಡ
ಕ್ರೀಡೆ ಅಥವಾ ಅತಿಯಾದ ವ್ಯಾಯಾಮದ ಸಮಯದಲ್ಲಿ
ಕ್ರೀಡೆ ಅಥವಾ ಅತಿಯಾದ ವ್ಯಾಯಾಮದ ಸಮಯದಲ್ಲಿ
ಆದರೆ ಇತ್ತೀಚಿನ ದಿನಗಳಲ್ಲಿ ಕ್ರೀಡೆ ಅಥವಾ ಅತಿಯಾದ ವ್ಯಾಯಾಮದ ಸಮಯ ದಲ್ಲಿ ಹಠಾತ್ ಹೃದಯಾಘಾತ ಅಥವಾ ಹೃದಯಕ್ಕೆ ಸಂಬಂದಪಟ್ಟ ಪ್ರಕರಣ ಗಳು ಹೆಚ್ಚುತ್ತಿರುವ ವರದಿಗಳು ಕೇಳಿಬರುತ್ತವೆ.
ಇಂತಹ ಘಟನೆಗಳು, ದೈಹಿಕ ಚಟುವಟಿಕೆಯು ಹೃದಯದ ಮೇಲೆ ಏಕೆ ಅತಿ ಯಾದ ಒತ್ತಡವನ್ನು ಉಂಟುಮಾಡುತ್ತದೆ ಎಂಬ ಪ್ರಶ್ನೆಗಳನ್ನು ಹುಟ್ಟು ಹಾಕುತ್ತವೆ.
ವ್ಯಾಯಾಮವು ದೇಹಕ್ಕೆ ಅತ್ಯಗತ್ಯವಾದರೂ, ಅತಿಯಾದ ಶ್ರಮ, ಈಗಾಗಲೇ ಇರುವ ಹೃದಯದ ಕಾಯಿಲೆ ಅಥವಾ ಇತರ ಕೆಲವು ಆರೋಗ್ಯ ಸಮಸ್ಯೆಗಳು ಹಠಾತ್ ತೊಡಕುಗಳಿಗೆ ಕಾರಣವಾಗಬಹುದು.
ಇದೇ ಕಾರಣಕ್ಕೆ, ನಮ್ಮ ಆರೋಗ್ಯವನ್ನು ಉತ್ತಮವಾಗಿಟ್ಟುಕೊಳ್ಳಲು ದೇಹದ ಸಂಕೇತಗಳನ್ನು ಆಲಿಸುವುದು ಮತ್ತು ನಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ವ್ಯಾಯಾಮ ಮಾಡುವುದು ಅತ್ಯಂತ ಅವಶ್ಯಕ.
ಅಧ್ಯಯನದ ಪ್ರಕಾರ
ResearchGate ನಲ್ಲಿ ಪ್ರಕಟವಾದ ವಿವಿಧ ವೈದ್ಯಕೀಯ ಸಂಶೋಧನೆಗಳಲ್ಲಿ ತಿಳಿಸಿರುವ ಪ್ರಕಾರ, ಕ್ರೀಡೆ ಅಥವಾ ಅತಿಯಾದ ವ್ಯಾಯಾಮದ ಸಮಯದಲ್ಲಿ ಹೃದಯಾಘಾತ ಅಥವಾ ಹಠಾತ್ ಹೃದಯ ಸ್ತಂಭನ ಸಂಭವಿಸುವ ಅಪಾಯವು ತಾತ್ಕಾಲಿಕವಾಗಿ ಹೆಚ್ಚಾಗುತ್ತದೆಯಂತೆ!
ಹೃದಯದ ಬಡಿತದಲ್ಲಿ ಏರುಪೇರು
ವ್ಯಾಯಾಮ ಮಾಡುವಾಗ ಅಥವಾ ಯಾವುದೇ ದೈಹಿಕ ಚಟುವಟಿಕೆಯಲ್ಲಿರು ವಾಗ ಹೃದಯ ಬಡಿತ ಹೆಚ್ಚಾಗುವುದು ಮತ್ತು ದೇಹಕ್ಕೆ ಹೆಚ್ಚಿನ ಆಮ್ಲಜನಕದ ಅಗತ್ಯವಿರುವುದು.
ವ್ಯಕ್ತಿಯೊಬ್ಬರ ಹೃದಯದ ಅಪಧಮನಿಗಳಲ್ಲಿ ಈಗಾಗಲೇ ತಡೆಗಳಿದ್ದರೆ (ಬ್ಲಾಕೇಜ್‌ಗಳಿದ್ದರೆ), ಹಠಾತ್ ತೀವ್ರ ವ್ಯಾಯಾಮವು ಅಲ್ಲಿ ಶೇಖರಣೆಯಾಗಿರುವ ‘ಪ್ಲೇಕ್’ (ಕೊಬ್ಬಿನ ಪದರ) ಅನ್ನು ಒಡೆಯಬಹುದು.
ಕೆಲವು ಸಂದರ್ಭಗಳಲ್ಲಿ, ರಕ್ತದ ಹೆಪ್ಪುಗಟ್ಟಿದ ಭಾಗವು (blood clot) ಹಠಾತ್ತಾಗಿ ಹೃದಯದ ರಕ್ತನಾಳಗಳನ್ನು ತಲುಪಿ ಹೃದಯಾಘಾತಕ್ಕೆ ಕಾರಣವಾಗಬಹುದು. ಕೆಲವೊಮ್ಮೆ ‘ಕಾರ್ಡಿಯಾಕ್ ಅರೆಸ್ಟ್’ (ಹೃದಯದ ಕಾರ್ಯವೈಖರಿ ಹಠಾತ್ತಾಗಿ ನಿಂತುಹೋಗುವುದು) ಕೂಡ ಸಂಭವಿಸಬಹುದು.
ಫಿಟ್ ಆಗಿರುವವರಿಗೂ ಕೂಡ ಸಮಸ್ಯೆ ಕಾಡಬಹುದು!
ಫಿಟ್ ಆಗಿರುವವರಿಗೂ ಕೂಡ ಸಮಸ್ಯೆ ಕಾಡಬಹುದು!
ಕೇವಲ ದೈಹಿಕ ಸದೃಢತೆ (Physical Fitness)ಅಥವಾ ಸ್ನಾಯುಬಲ (Muscle Stren gth) ಹೊಂದಿದ್ದ ತಕ್ಷಣ ಹೃದಯವು ಸಂಪೂರ್ಣವಾಗಿ ಆರೋಗ್ಯಕರವಾಗಿ ರುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ.
ಯುವಕರಲ್ಲಿ ಸುಲಭವಾಗಿ ಪತ್ತೆಹಚ್ಚಲಾಗದ ಅನುವಂಶೀಯ ಹೃದಯ ಸಂಬಂಧಿ ಸಮಸ್ಯೆಗಳಿರಬಹುದು; ಇಂತಹ ವ್ಯಕ್ತಿಗಳಿಗೆ ಅಪಾಯದ ಸಾಧ್ಯತೆ ಹೆಚ್ಚು. ಹಠಾ ತ್ತನೆ ಮಾಡುವ ತೀವ್ರ ಸ್ವರೂಪದ ವ್ಯಾಯಾಮವು ಹೃದಯಾಘಾತದ ಅಪಾಯ ವನ್ನು ಹೆಚ್ಚಿಸಬಹುದು.
ಈ ರೋಗಲಕ್ಷಣಗಳನ್ನು ಎಂದಿಗೂ ನಿರ್ಲಕ್ಷಿಸಬೇಡಿ
ಎದೆಯ ಮೇಲೆ ಒತ್ತಡ
ಎಡಗೈಯಿಂದ ಭುಜ, ದವಡೆ, ಬೆನ್ನು ಅಥವಾ ಕುತ್ತಿಗೆಗೆ ಹರಡುವ ನೋವು
ಹಠಾತ್ತನೆ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುವುದು
ತಣ್ಣನೆಯ ಬೆವರು
ಹೃದಯ ಬಡಿತ ವೇಗವಾಗುವುದು
ಅತಿಯಾದ ದೈಹಿಕ ಶ್ರಮವು ಹೃದಯದ ಮೇಲಿನ ಒತ್ತಡವನ್ನು ಹೆಚ್ಚಿಸಬಹುದು
ಅತಿಯಾದ ದೈಹಿಕ ಶ್ರಮವು ಹೃದಯದ ಮೇಲಿನ ಒತ್ತಡವನ್ನು ಹೆಚ್ಚಿಸಬಹುದು
ನಾವು ಕ್ರಿಕೆಟ್ ಆಡುವಾಗ, ಓಡುವಾಗ ಅಥವಾ ಜಿಮ್‌ನಲ್ಲಿ ತೀವ್ರವಾದ ವ್ಯಾಯಾ ಮ ಮಾಡುವಾಗ ನಮ್ಮ ದೇಹಕ್ಕೆ ಹೆಚ್ಚಿನ ಆಮ್ಲಜನಕದ ಅಗತ್ಯವಿರುತ್ತದೆ. ಈ ಬೇಡಿಕೆಯನ್ನು ಪೂರೈಸಲು ನಮ್ಮ ಹೃದಯವು ವೇಗವಾಗಿ ಬಡಿದುಕೊಳ್ಳುತ್ತದೆ ಮತ್ತು ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ.
ಇದು ಸಾಮಾನ್ಯವಾಗಿ ಸಹಜ ಪ್ರತಿಕ್ರಿಯೆಯಾಗಿದ್ದರೂ, ವ್ಯಕ್ತಿಯೊಬ್ಬರಿಗೆ ಈಗಾ ಗಲೇ ಹೃದಯ ಸಂಬಂಧಿ ಸಮಸ್ಯೆಗಳು, ಅಪಧಮನಿಗಳಲ್ಲಿ ತಡೆ (clogged arteries) ಅಥವಾ ಇತರ ಆರೋಗ್ಯ ಸಮಸ್ಯೆಗಳಿದ್ದರೆ, ಕಠಿಣ ದೈಹಿಕ ಚಟುವಟಿಕೆಯು ಹೃದಯದ ಮೇಲೆ ಹೆಚ್ಚಿನ ಒತ್ತಡವನ್ನು ಉಂಟುಮಾಡಬಹುದು. ಕೆಲವು ಸಂದ ರ್ಭಗಳಲ್ಲಿ, ಇದು ಗಂಭೀರವಾದ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಹಿಂದಿನಿಂದಲೇ ಇರುವ ಹೃದಯದ ಕಾಯಿಲೆ ಪತ್ತೆಯಾಗದಿರುವುದು
ಅನೇಕ ಬಾರಿ, ವ್ಯಕ್ತಿಯೊಬ್ಬರಿಗೆ ತಮ್ಮ ಹೃದಯದ ಸ್ಥಿತಿಯ ಬಗ್ಗೆ ಅರಿವಿರುವು ದಿಲ್ಲ! ಹೌದು ಕೆಲವೊಮ್ಮೆ ಹೃದಯದ ಕಾಯಿಲೆಗಳು ಯಾವುದೇ ಪ್ರಮುಖ ಲಕ್ಷಣಗಳನ್ನು ತೋರಿಸದೆ ನಿಶ್ಯಬ್ದವಾಗಿ ಬೆಳೆಯುತ್ತವೆವಿಶೇಷವಾಗಿ ಯುವ
ಜನರಲ್ಲಿ ಕಂಡುಬರುವ ಕೆಲವು ಜನ್ಮಜಾತ ಅಥವಾ ಅನುವಂಶೀಯ ಹೃದಯ ಸಂಬಂಧಿ ಸಮಸ್ಯೆಗಳು, ಯಾವುದೇ ಸ್ಪಷ್ಟ ಲಕ್ಷಣಗಳಿಲ್ಲದೆ ದೀರ್ಘಕಾಲದವರೆಗೆ ಸುಪ್ತವಾಗಿರಬಹುದು.
ಇಂತಹ ಸಂದರ್ಭಗಳಲ್ಲಿ, ವ್ಯಕ್ತಿಯು ಇದ್ದಕ್ಕಿದ್ದಂತೆ ಕಠಿಣ ದೈಹಿಕ ವ್ಯಾಯಾಮ ದಲ್ಲಿ ತೊಡಗಿದಾಗ ಆ ಸಮಸ್ಯೆ ಹೊರಬರಬಹುದು. ಇದರರ್ಥ ಸಾಮಾನ್ಯ ವ್ಯಕ್ತಿಯೊಬ್ಬರು ಕ್ರಿಕೆಟ್ ಆಡುವುದರಿಂದ ಅಥವಾ ಜಿಮ್‌ಗೆ ಹೋಗುವುದರಿಂದ ಹೃದಯಾಘಾತವಾಗುತ್ತದೆ ಎಂದಲ್ಲ; ಬದಲಾಗಿ, ವ್ಯಾಯಾಮದ ಸಮಯದಲ್ಲಿ ಕೆಲವರಲ್ಲಿ ಈಗಾಗಲೇ ಅಸ್ತಿತ್ವದಲ್ಲಿರುವ ಅಪಾಯಕಾರಿ ಅಂಶಗಳು (risk factors) ಬೆಳಕಿಗೆ ಬರಬಹುದು.
ಹಠಾತ್ತನೆ ಅತಿಯಾದ ವ್ಯಾಯಾಮ ಮಾಡುವುದು ಕೂಡ ಸರಿಯಲ್ಲ
ದೀರ್ಘಕಾಲದವರೆಗೆ ವ್ಯಾಯಾಮ ಮಾಡದವರು ಇದ್ದಕ್ಕಿದ್ದಂತೆ ತೀವ್ರ ಸ್ವರೂಪದ ವ್ಯಾಯಾಮ ಅಥವಾ ಕ್ರೀಡೆಗಳಲ್ಲಿ ತೊಡಗಿಕೊಂಡರೆ, ಅವರ ದೇಹವು ಅಂತಹ ಹೆಚ್ಚಿನ ಶ್ರಮಕ್ಕೆ ಒಗ್ಗಿಕೊಂಡಿರುವುದಿಲ್ಲ.
ಆದ್ದರಿಂದ, ನಿಧಾನವಾಗಿ ವ್ಯಾಯಾಮ ವನ್ನು ಪ್ರಾರಂಭಿಸುವುದು ಮತ್ತು ದೇಹವು ಅದಕ್ಕೆ ಹೊಂದಿಕೊಳ್ಳಲು (ವಾರ್ಮ್-ಅಪ್ ಆಗಲು) ಸಮಯ ನೀಡುವುದು ಮುಖ್ಯ. ಜಿಮ್‌ನಲ್ಲಿ, ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ವ್ಯಾಯಾಮದ ತೂಕ ಮತ್ತು ತೀವ್ರತೆಯನ್ನು ಹೆಚ್ಚಿಸಬೇಕು. ಒಂದು ವೇಳೆ ವ್ಯಕ್ತಿಗೆ ಈಗಾಗಲೇ ಯಾವುದಾದರೂ ಆರೋಗ್ಯ ಸಮಸ್ಯೆಗಳಿದ್ದರೆ ಅಥವಾ ದೀರ್ಘಕಾಲದ ನಂತರ ಕಠಿಣ ವ್ಯಾಯಾ ಮವನ್ನು ಪ್ರಾರಂಭಿಸುತ್ತಿದ್ದರೆ, ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
ಮುನ್ನೆಚ್ಚರಿಕೆಗಳೇನು?
35 ವರ್ಷ ದಾಟಿದವರು ಅಥವಾ ಕುಟುಂಬದಲ್ಲಿ ಈಗಾಗಲೇ ಹೃದಯ ಕಾಯಿಲೆಯ ಇತಿಹಾಸ ಹೊಂದಿರುವವರು ತೀವ್ರ ವ್ಯಾಯಾಮ ಆರಂಭಿ ಸುವ ಮುನ್ನ ECG ಅಥವಾ TMT ತಪಾಸಣೆ ಮಾಡಿಸಿಕೊಳ್ಳಬೇಕು ಇಲ್ಲಾಂ ದ್ರೆ ವೈದ್ಯರ ಸಲಹೆ ಸೂಚನೆಗಳನ್ನು ಸರಿಯಾಗಿ ಪಾಲಿಸಬೇಕು
ಜಿಮ್ ನಲ್ಲಿ ವರ್ಕೌಟ್ ಮಾಡುವವರು ಮೊದಲ ದಿನವೇ ಅತಿಯಾದ ತೀವ್ರತೆಯ ವ್ಯಾಯಾಮ ಮಾಡದೆ, ನಿಧಾನವಾಗಿ ತೀವ್ರತೆಯನ್ನು ಹೆಚ್ಚಿಸ ಬೇಕು.
ವ್ಯಾಯಾಮದ ನಡುವೆ ಮತ್ತು ನಂತರ ಅಗತ್ಯವಿರುವಷ್ಟು ನೀರು ಅಥವಾ ಎಲೆಕ್ಟ್ರೋಲೈಟ್ ದ್ರವಗಳನ್ನು ಕುಡಿಯಬೇಕು.
ವ್ಯಾಯಮದ ನಡುವೆ ಅಥವಾ ಕ್ರೀಡೆಯ ನಡುವೆ ಏನಾದರೂ ಹೃದಯಕ್ಕೆ ಸಂಬಂಧಪಟ್ಟ ಸಮಸ್ಯೆ ಕಾಣಿಸಿಕೊಂಡರೆ,ಮ ಕೂಡಲೇ ವೈದ್ಯರ ಬಳಿ ಪರೀಕ್ಷೆ ಮಾಡಿಸಿಕೊಳ್ಳಬೇಕು.
