ನಮ್ಮ ಹೊಟ್ಟೆಯ ಒಳಪದರದ ಜೀವಕೋಶಗಳು ಅಸಹಜವಾಗಿ ಬೆಳೆಯಲು ಪ್ರಾರಂಭಿಸಿ, ಗೆಡ್ಡೆಯ ರೂಪ ಪಡೆದಾಗ ಅದನ್ನು ಹೊಟ್ಟೆಯ ಕ್ಯಾನ್ಸರ್ ಎನ್ನಲಾಗುತ್ತದೆ. ಈ ಗೆಡ್ಡೆಗಳು ಕ್ರಮೇಣ ಬೆಳೆದು ದೇಹದ ಇತರ ಭಾಗಗಳಿಗೂ ಹರಡಬಹುದು. ಅತಿಯಾದ ಸಂಸ್ಕರಿಸಿದ ಆಹಾರ, ಧೂಮಪಾನ, ಮದ್ಯಪಾನ ಮತ್ತು ವಂಶವಾಹಿ ಕಾರಣಗಳಿಂದಾಗಿ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.
ಬೆಳಗ್ಗೆ ಕಾಣಿಸಿಕೊಳ್ಳುವ ಲಕ್ಷಣಗಳು : ದೇಹವು ತನ್ನೊಳಗಿನ ಏರುಪೇರುಗಳನ್ನು ವಿವಿಧ ಸಂಕೇತಗಳ ಮೂಲಕ ನಮಗೆ ತಿಳಿಸುತ್ತದೆ. ತಜ್ಞರ ಪ್ರಕಾರ, ಬೆಳಿಗ್ಗೆ ಎದ್ದಾಗ ಅಥವಾ ಶೌಚಾಲಯಕ್ಕೆ ಹೋದಾಗ ಈ ಕೆಳಗಿನ ಬದಲಾವಣೆಗಳು ಕಂಡುಬಂದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಒಳಿತು.
ಮಲದಲ್ಲಿ ಬದಲಾವಣೆ: ಬೆಳಿಗ್ಗೆ ಶೌಚಕ್ಕೆ ಹೋದಾಗ ಮಲವು ಗಾಢ ಕಪ್ಪು ಬಣ್ಣದಲ್ಲಿದ್ದರೆ, ಅದರಲ್ಲಿ ರಕ್ತದ ಅಂಶ ಕಂಡುಬಂದರೆ ಅದು ಹೊಟ್ಟೆಯ ಒಳಗೆ ರಕ್ತಸ್ರಾವವಾಗುತ್ತಿರುವುದರ ಸಂಕೇತ.
ವಾಕರಿಕೆ ಮತ್ತು ವಾಂತಿ: ಎದ್ದ ಕೂಡಲೇ ಯಾವುದೇ ಕಾರಣವಿಲ್ಲದೆ ವಾಕರಿಕೆ ಅಥವಾ ವಾಂತಿಯಾದಂತಾಗುವುದು ಹೊಟ್ಟೆಯ ತೊಂದರೆಯ ಮುನ್ಸೂಚನೆಯಾಗಿದೆ.
ಅಪೂರ್ಣ ಭಾವನೆ: ಹೊಟ್ಟೆ ಪೂರ್ತಿ ಖಾಲಿಯಾಗದಂತೆ ಭಾಸವಾಗುವುದು ಅಥವಾ ನಿರಂತರ ಮಲಬದ್ಧತೆ ಎದುರಾಗುವುದು.
ಹಸಿವಿನ ಕೊರತೆ: ಬೆಳಿಗ್ಗೆ ಉಪಾಹಾರ ಸೇವಿಸಲು ಮನಸ್ಸಾಗದಿರುವುದು ಅಥವಾ ಸ್ವಲ್ಪ ತಿಂದರೂ ಹೊಟ್ಟೆ ಉಬ್ಬಿದಂತಾಗಿ ಭಾರವೆನಿಸುವುದು.
ತೂಕ ಇಳಿಕೆ: ಯಾವುದೇ ವ್ಯಾಯಾಮ ಅಥವಾ ಡಯಟ್ ಮಾಡದಿದ್ದರೂ ಇದ್ದಕ್ಕಿದ್ದಂತೆ ತೂಕ ಕಡಿಮೆಯಾಗುತ್ತಿದ್ದರೆ ಅದು ಗಂಭೀರ ಲಕ್ಷಣವಾಗಿದೆ.
ಪರಿಹಾರ ಮತ್ತು ಮುನ್ನೆಚ್ಚರಿಕೆಗಳು
ಆಹಾರ ಪದ್ಧತಿ: ತಾಜಾ ಹಣ್ಣುಗಳು, ಹಸಿರು ತರಕಾರಿಗಳು ಮತ್ತು ನಾರಿನಂಶ ಹೆಚ್ಚಿರುವ ಆಹಾರವನ್ನು ಸೇವಿಸಿ. ಉಪ್ಪಿನ ಅಂಶ ಹೆಚ್ಚಿರುವ ಮತ್ತು ಸಂರಕ್ಷಿತ ಆಹಾರಗಳನ್ನು ಆದಷ್ಟು ದೂರವಿಡಿ.
ವ್ಯಸನಗಳಿಂದ ದೂರಬೆಳಿಗ್ಗೆ ಸ್ನಾನ ಮಾಡುವಾಗ ದೇಹದಲ್ಲಿ ಈ 4 ಲಕ್ಷಣಗಳು ಕಂಡುಬಂದರೆ, ಎಚ್ಚರ, ಅದು ಹೊಟ್ಟೆಯ ಕ್ಯಾನ್ಸರ್!ವಿರಿ: ಧೂಮಪಾನ ಮತ್ತು ಮದ್ಯಪಾನ ಹೊಟ್ಟೆಯ ಕ್ಯಾನ್ಸರ್ಗೆ ಪ್ರಮುಖ ಕಾರಣಗಳಾಗಿವೆ. ಇವುಗಳನ್ನು ತ್ಯಜಿಸುವುದು ಅತ್ಯಗತ್ಯ.
ದೈಹಿಕ ಚಟುವಟಿಕೆ: ಪ್ರತಿದಿನ ಕನಿಷ್ಠ 30 ನಿಮಿಷಗಳ ವ್ಯಾಯಾಮ ಅಥವಾ ನಡಿಗೆಯನ್ನು ಅಭ್ಯಾಸ ಮಾಡಿಕೊಳ್ಳಿ. ಇದು ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ.
ತಪಾಸಣೆ: ಕುಟುಂಬದಲ್ಲಿ ಯಾರಿಗಾದರೂ ಕ್ಯಾನ್ಸರ್ ಇತಿಹಾಸವಿದ್ದರೆ, ನಿಯಮಿತವಾಗಿ ವೈದ್ಯಕೀಯ ತಪಾಸಣೆ ಮಾಡಿಸಿಕೊಳ್ಳುವುದು ಜೀವ ರಕ್ಷಕವಾಗಬಲ್ಲದು.
ಗಮನಿಸಿ: ಈ ಮೇಲಿನ ಲಕ್ಷಣಗಳು ಬೇರೆ ಸಾಮಾನ್ಯ ಆರೋಗ್ಯ ಸಮಸ್ಯೆಗಳಲ್ಲೂ ಕಾಣಿಸಿಕೊಳ್ಳಬಹುದು. ಹೀಗಾಗಿ ಗಾಬರಿಗೊಳ್ಳುವ ಬದಲು, ಲಕ್ಷಣಗಳು ದೀರ್ಘಕಾಲ ಮುಂದುವರಿದರೆ ತಜ್ಞ ವೈದ್ಯರಿಂದ ಸೂಕ್ತ ಪರೀಕ್ಷೆ ಮಾಡಿಸಿಕೊಳ್ಳುವುದು ಕ್ಷೇಮ.. ಇದನ್ನು ಕೇವಲ ಮಾಹಿತಿಗಾಗಿ ಮಾತ್ರ ಬರೆಯಲಾಗಿದೆ.
