ಟಾಯ್ಲೆಟ್ ನಲ್ಲಿ ಹೆಚ್ಚು ಹೊತ್ತು ಫೋನ್ ಹಿಡಿದು ಕುಳಿತುಕೊಂಡರೆ ಪೈಲ್ಸ್ ಬರಬಹುದು ಎಚ್ಚರ ಅಂತಾರೆ ವೈದ್ಯರು. ಹಾಗಾದರೆ ಎಷ್ಟು ಹೊತ್ತು ಕುಳಿತುಕೊಳ್ಳಬಹುದು ಮತ್ತು ಸರಾಗವಾಗಿ ಮಲವಿಸರ್ಜನೆ ಆಗಬೇಕಾದರೆ ಯಾವ ಟಿಪ್ಸ್ ಅನುಸರಿಸಬೇಕು ಎಂಬುದನ್ನು ಇಲ್ಲಿ ತಿಳಿಯೋಣ.
ಆಡುವ ಮಕ್ಕಳ ಕೈಯಲ್ಲೂ ಮೊಬೈಲ್ ಇರುವ ಕಾಲವಿದು. ಇನ್ನು ದೊಡ್ಡವರ ಬಗ್ಗೆ ಕೇಳಬೇಕಾ? ಎಲ್ಲರೂ ಅಲ್ಲದಿದ್ದರೂ ಕೆಲವರು ಮೊಬೈಲ್ ಫೋನ್ ಗೆ ವಿಪರೀತ ಅಂಟಿಕೊಂಡು ಬಿಟ್ಟಿದ್ದಾರೆ. ಇವರಿಗೆ ಎಲ್ಲಿ ಹೋದರೂ ಫೋನ್ ಇರಲೇಬೇಕು, ಬಾತ್ರೂಮ್ ನಲ್ಲಿ ಕೂಡ. ಮನೆಯಲ್ಲಿರುವ ಇತರ ಸದಸ್ಯರ ಅವಸರದ ಬಗ್ಗೆ ಆಲೋಚನೆ ಕೂಡ ಮಾಡದೆ ಫೋನ್ ಹಿಡಿದು ಗಂಟೆಗಟ್ಟಲೆ ಬಾತ್ರೂಮ್ ನಲ್ಲಿ ಕುಳಿತುಬಿಡುತ್ತಾರೆ.
ಈ ಅಭ್ಯಾಸದಿಂದ ಮಲವಿಸರ್ಜನೆ ಚೆನ್ನಾಗಿ ನಡೆದು ಕರುಳು ಖಾಲಿಯಾಗುತ್ತದೆ ಮತ್ತು ಪ್ರತಿದಿನ ಇದೇ ಅಭ್ಯಾಸವನ್ನು ಮುಂದುವರಿಸುವುದರಿಂದ ಆರೋಗ್ಯದಿಂದಿ ರುತ್ತೇವೆ ಎಂದು ಹಲವರು ಅಂದುಕೊಂಡಿದ್ದಾರೆ. ಆದರೆ ಅಸಲಿ ಸತ್ಯವೇ ಬೇರೆ ಇದೆ. ಯಾರಿಗೆಲ್ಲ ಈ ಅಭ್ಯಾಸ ಇದೆ ಅಂತಹವರಿಗಾಗಿ ಈ ಲೇಖನ!
ಈ ಬಗ್ಗೆ ತಜ್ಞರು ಏನು ಹೇಳುತ್ತಾರೆ.?
ಸಿಎನ್ಎನ್ ವರದಿ ಪ್ರಕಾರ ಅಮೆರಿಕದ ಡಲ್ಲಾಸ್ ನಲ್ಲಿನ ಯುನಿವರ್ಸಿಟಿ ಆಫ್ ಟೆಕ್ಸಾಸ್ ಮೆಡಿಕಲ್ ಸೆಂಟರ್ ನಲ್ಲಿ ಕರುಳಿನ ಕಾಯಿಲೆಯ ವಿಭಾಗದಲ್ಲಿ ಮುಖ್ಯ ಆರೋಗ್ಯ ಅಧಿಕಾರಿಯಾಗಿರುವ ಡಾ.ಲೈಷು ಹೇಳುವ ಪ್ರಕಾರ ಹೊಟ್ಟೆ ಮತ್ತು ಕರುಳಿನ ಸಮಸ್ಯೆ ಹೇಳಿಕೊಂಡು ಬರುವ ಬಹುತೇಕರಲ್ಲಿ ಟಾಯ್ಲೆಟ್ ನಲ್ಲಿ ಗಂಟೆ ಗಟ್ಟಲೆ ಫೋನ್ ಹಿಡಿದು ಕುಳಿತುಕೊಳ್ಳುವ ಅಭ್ಯಾಸವಿರುತ್ತದೆ.
ಹಾಗೆ ನ್ಯೂಯಾರ್ಕ್ ನ ಸ್ಟೋನಿ ಬ್ರೂಕ್ ಮೆಡಿಸಿನ್ ನಲ್ಲಿ ವೈದ್ಯರಾಗಿರುವ ಡಾಕ್ಟರ್ ಫರಹ್ ಮಂಜೂರ್ ಹೇಳುವ ಹಾಗೆ ಟಾಯ್ಲೆಟ್ ನಲ್ಲಿ 5-10 ನಿಮಿಷ ಗಳಷ್ಟೇ ಕುಳಿತುಕೊಳ್ಳುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ತಿಳಿದು ಬಂದಿದೆ.
ಹೆಚ್ಚು ಹೊತ್ತು ಟಾಯ್ಲೆಟ್ ನಲ್ಲಿ ಕೂರುವುದು
ಭೂಮಿಯ ಗುರುತ್ವಾಕರ್ಷಣೆ ಬಲದಿಂದ ಮತ್ತು ಟಾಯ್ಲೆಟ್ ಸೀಟ್ ವಿನ್ಯಾಸ ಗೊಳಿಸಿರುವ ಶೈಲಿಯಿಂದ ಹೆಚ್ಚು ಹೊತ್ತು ಟಾಯ್ಲೆಟ್ ನಲ್ಲಿ ಕೂರುವುದು, ಕೆಳಭಾಗದ ದೇಹದ ಒತ್ತಡಕ್ಕೆ ಕಾರಣವಾಗುತ್ತದೆ.
ಇದರಿಂದ ಗುದದ್ವಾರದ ಭಾಗದಲ್ಲಿರುವ ರಕ್ತನಾಳಗಳಲ್ಲಿ ರಕ್ತ ತುಂಬಿ ಮತ್ತೆ ಅದು ಹಿಮ್ಮುಖ ಚಲನೆಗೆ ಸಾಧ್ಯವಾಗದಂತೆ ಆಗುತ್ತದೆ. ಇದು ಪೈಲ್ಸ್ ಗೆ ಕಾರಣವಾಗುತ್ತದೆ. ಜೊತೆಗೆ ಸೊಂಟದ ಭಾಗದ ಮಾಂಸ ಖಂಡಗಳು ದುರ್ಬಲಗೊಂಡು ಕರುಳಿನ ಚಲನೆ ಮೇಲೆ ನಕಾರಾತ್ಮಕ ಪ್ರಭಾವ ಬೀರುತ್ತದೆ. ಇದರಿಂದ ಮಲಬದ್ಧತೆ ಮತ್ತು ಮಲಮೂತ್ರಗಳನ್ನು ನಿಯಂತ್ರಿಸಲು ಅಸಾಧ್ಯವಾಗುವ ಹಾಗೆ ಮಾಡುತ್ತದೆ.
ಚೀನಾದ ಒಂದು ಪ್ರಕರಣ!
ಚೀನಾದಲ್ಲಿ ಒಬ್ಬ ವ್ಯಕ್ತಿ ಇದೇ ರೀತಿ ಪ್ರತಿದಿನ ಅರ್ಧ ಗಂಟೆ ಟಾಯ್ಲೆಟ್ ನಲ್ಲಿ ಕೈಯಲ್ಲಿ ಮೊಬೈಲ್ ಫೋನ್ ಹಿಡಿದು ವಿಡಿಯೋ ಗೇಮ್ ಗಳನ್ನು ಆಡಿಕೊಂಡು ಮಲವಿಸರ್ಜನೆ ಮಾಡಲು ಕುಳಿತುಕೊಳ್ಳುತ್ತಿದ್ದ.
ಒಂದು ದಿನ ಅವನಿಗೆ ಆತನ ರೆಕ್ಟಂ ಭಾಗ ಸುಮಾರು 6 ಇಂಚು ಹೊರಬಂದಿದ್ದು, ತಕ್ಷಣವೇ ಆತನನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ವೈದ್ಯರು ರೆಕ್ಟಲ್ ಪ್ರೊಲ್ಯಾಪ್ಸ್ ರೋಗ ನಿರ್ಣಯ ಮಾಡಿ ತುಂಬಾ ಹೊತ್ತು ಟಾಯ್ಲೆಟ್ ನಲ್ಲಿ ಕೂರು ವುದು ಮತ್ತು ಮೊದಲೇ ಇದ್ದ ದೇಹದ ದೌರ್ಬಲ್ಯ ಇದಕ್ಕೆ ಕಾರಣ ಎಂದು ಹೇಳಿ ದರು.
ಟಾಯ್ಲೆಟ್ ನಲ್ಲಿ ಹೆಚ್ಚು ಹೊತ್ತು ಕುಳಿತುಕೊಳ್ಳಬೇಡಿ
ಹೀಗೆಂದು ನಾವು ಹೇಳುತ್ತಿಲ್ಲ. ಬದಲಿಗೆ ವೈದ್ಯರೇ ಸಲಹೆ ಕೊಡುತ್ತಿದ್ದಾರೆ. ಹೆಚ್ಚು ಹೊತ್ತು ಅಂದರೆ ಹತ್ತು ನಿಮಿಷಗಳಿಗಿಂತ ಹೆಚ್ಚಿನ ಸಮಯ ಟಾಯ್ಲೆಟ್ ನಲ್ಲಿ ಕಳೆಯಬೇಡಿ ಎಂದು ಕಿವಿ ಮಾತು ಹೇಳಿದ್ದಾರೆ.
ಹತ್ತು ನಿಮಿಷದೊಳಗೆ ನಿಮಗೆ ಮಲವಿಸರ್ಜನೆ ಆಗದಿದ್ದರೆ ಎದ್ದು ಹೊರ ಬರುವುದು ಒಳ್ಳೆಯದು ಎಂದು ಹೇಳಿದ್ದಾರೆ.
ಸರಾಗವಾದ ಮನವಿಸರ್ಜನೆಗೆ ಅನುಕೂಲವಾಗುವ ಹಾಗೆ ದೇಹಕ್ಕೆ ಹೆಚ್ಚಿನ ನೀರಿನ ಅಂಶ ಸೇರಿಸುವುದು, ನಾರಿನ ಅಂಶ ಇರುವ ಆಹಾರಗಳನ್ನು ಸೇವಿಸುವುದು
ಪ್ರತಿದಿನ ವಾಕಿಂಗ್ ಮಾಡುವ ಅಭ್ಯಾಸ ಇಟ್ಟುಕೊಳ್ಳುವುದು ಒಳ್ಳೆಯದು. ಒಂದು ವೇಳೆ ನಿಮಗೆ ದೀರ್ಘಕಾಲದ ಮಲಬದ್ಧತೆ ಇದ್ದರೆ, ನಿಮ್ಮ ವೈದ್ಯರನ್ನು ಭೇಟಿ ಮಾಡಿ ಸಲಹೆ ಸೂಚನೆಗಳನ್ನು ಪಡೆದುಕೊಳ್ಳಿ.
ಬಲವಂತದ ಒತ್ತಡದಿಂದ ಅಪಾಯ
ಬಲವಂತದ ಒತ್ತಡವು ಮೂಲವ್ಯಾಧಿಗಳ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಮಾನ್ಜುರ್ ಹೇಳಿದರು. ಶೌಚಾಲಯದಲ್ಲಿ ತಮ್ಮ ಫೋನ್ಗಳನ್ನು ಸ್ಕ್ರಾಲ್ ಮಾಡುವ ಜನರು ಸಮಯದ ಜಾಡನ್ನು ಕಳೆದುಕೊಳ್ಳುತ್ತಾರೆ ಮತ್ತು ಕುಳಿತಿರುವಾಗ ಅವರ ಸ್ನಾಯುಗಳನ್ನು ಆಯಾಸಗೊಳಿಸುತ್ತಾರೆ.
ಡಾ.ಲೈಝು ಹೇಳಿದರು, “ಇತ್ತೀಚಿನ ದಿನಗಳಲ್ಲಿ, ಶೌಚಾಲಯದ ಸೀಟಿನಲ್ಲಿ ಹೆಚ್ಚು ಸಮಯ ಕಳೆಯುವ ಜನರ ಸಂಖ್ಯೆಯಲ್ಲಿ ತ್ವರಿತ ಏರಿಕೆಯನ್ನು ನಾವು ನೋಡುತ್ತಿದ್ದೇವೆ ಮತ್ತು ಇದು ಅನೋರೆಕ್ಟಲ್ ಅಂಗಗಳು ಮತ್ತು ಶ್ರೋಣಿಯ ಮಹಡಿಗೆ ತುಂಬಾ ಅನಾರೋಗ್ಯಕರ ವಾಗಿದೆ.”
ಶೌಚಾಲಯದ ಸೀಟಿನಲ್ಲಿ ಹೆಚ್ಚು ಸಮಯ ಕಳೆಯುವುದನ್ನು ತಪ್ಪಿಸಲು, ಕ್ಯಾಲಿಫೋರ್ನಿಯಾದ ಹೋಪ್ ಆರೆಂಜ್ ಕೌಂಟಿಯ ಸಿಟಿಯ ಇಂಟರ್ವೆ ನ್ಷನಲ್ ಗ್ಯಾಸ್ಟ್ರೋಎಂಟರಾಲಜಿಸ್ಟ್ ಡಾ. ಲ್ಯಾನ್ಸ್ ಉರಾಡೊಮೊ, ಫೋನ್ಗಳು, ನಿಯತಕಾಲಿಕೆಗಳು ಮತ್ತು ಪುಸ್ತಕಗಳನ್ನು ಶೌಚಾಲಯ ದಿಂದ ಹೊರಗಿಡಲು ಶಿಫಾರಸು ಮಾಡುತ್ತಾರೆ.
ನೀವು ದೀರ್ಘಕಾಲ ಅಲ್ಲಿ ಕುಳಿತುಕೊಳ್ಳುತ್ತೀರಿ ಎಂಬ ಮನಸ್ಥಿತಿಯೊಂದಿಗೆ ನೀವು ವಾಶ್ರೂಮ್ಗೆ ಹೋಗಬಾರದು ಎಂದು ಮಾನ್ಜುರ್ ಹೇಳಿದರು.
ನೀವು ದೈನಂದಿನ ಕರುಳಿನ ಚಲನೆಯನ್ನು ಅನುಭವಿಸಿದರೆ 10 ನಿಮಿಷ ಗಳ ಕಾಲ ನಡೆಯಲು ಡಾ. ಲೈ ಝು ಶಿಫಾರಸು ಮಾಡುತ್ತಾರೆ. ಫೈಬರ್ ಜೀರ್ಣಕ್ರಿಯೆಗೆ ಸಹಾಯ ಮಾಡುವುದರಿಂದ ಅವರು ಹೈಡ್ರೇಟಿಂಗ್ ಮತ್ತು ಫೈಬರ್-ಭರಿತ ಆಹಾರವನ್ನು ಸೇವಿಸುವುದನ್ನು ಸಹ ಪ್ರೋತ್ಸಾಹಿಸುತ್ತಾರೆ. ಕೆಲವೊಮ್ಮೆ, ಗ್ಯಾಸ್ಟ್ರಿಕ್ ಸಮಸ್ಯೆಯನ್ನು ಉಂಟುಮಾಡಬಹುದು.
