ಆಭರಣ ಪ್ರಿಯರಿಗೆ ಹಾಗೂ ಸಮಾರಂಭಗಳಿಗೆ ಧರಿಸಲು ಚಿನ್ನದ ಒಡವೆ ಖರೀದಿಸುವ ಪ್ಲಾನ್ ಇದ್ಯಾ..? ಹಾಗಾದ್ರೆ ಇವತ್ತು ಬಿಟ್ಟು ಬಿಡಿ. ಯಾಕೆಂದರೆ, ಬಂಗಾರದ ಬೆಲೆ ತೀವ್ರ ಏರಿಕೆಯಾಗಿದೆ. ಇನ್ನು, ಬೆಳ್ಳಿ ದರದಲ್ಲಿ ಇಂದು ಅಲ್ಪ ಇಳಿಕೆಯಾಗಿದ್ದರೂ ಇತ್ತೀಚಿನ ದಿನಗಳಲ್ಲಿ ಬೆಲೆ ತೀರಾ ಹೆಚ್ಚಿದೆ.
ಚಿನ್ನ – ಬೆಳ್ಳಿ ದರ ಏರಿಕೆ – ಇಳಿಕೆಗೆ ಪ್ರಮುಖ ಅಂಶಗಳು..!
ಭಾರತದಲ್ಲಿ, ಚಿನ್ನ – ಬೆಳ್ಳಿ ಬೆಲೆಗಳು ಸಾಮಾನ್ಯವಾಗಿ ಪ್ರತಿದಿನ ಬದಲಾಗುತ್ತಿರುತ್ತದೆ ಮತ್ತು ಜಾಗತಿಕ ಮಾರುಕಟ್ಟೆಯ ಚಲನೆ, ಡಾಲರ್ ಎದುರು ರೂಪಾಯಿಯ ಬಲ ಮತ್ತು ಹಬ್ಬಗಳು ಹಾಗೂ ಮದುವೆಯ ಋತುಗಳಲ್ಲಿ ಬೇಡಿಕೆಯಂತಹ ಅಂಶಗಳಿಂದ ಪ್ರಭಾವಿತವಾಗಿರುತ್ತದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಗಳು ಸಹ ದರ ನಿರ್ಧರಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತವೆ.
880 ರೂ. ಬೆಲೆ ಏರಿಕೆ..!
ಬಂಗಾರದ ಬೆಲೆಯಲ್ಲಿ ಗುರುವಾರ ಭಾರಿ ಏರಿಕೆಯಾಗಿದ್ದು, 10 ಗ್ರಾಂ 22 ಕ್ಯಾರಟ್ ಬಂಗಾರದ ಬೆಲೆ ಒಂದೇ ದಿನದಲ್ಲಿ 800 ರೂ. ಏರಿಕೆಯಾಗಿದೆ. ಅದೇ ರೀತಿ 10 ಗ್ರಾಂ 24 ಕ್ಯಾರಟ್ ಚಿನ್ನದ ಬೆಲೆ 880 ರೂ. ಹೆಚ್ಚಾಗಿದೆ.
ಬೆಂಗಳೂರಲ್ಲಿ ಬಂಗಾರದ ಬೆಲೆ
ಬೆಂಗಳೂರಲ್ಲಿ 24 ಕ್ಯಾರಟ್ ಬಂಗಾರದ ಬೆಲೆ 99,280 ರೂ. ಆಗಿದೆ. ಹಾಗೆ, 22 ಕ್ಯಾರಟ್ ಆಭರಣ ಬೆಲೆ 91,000 ರೂ. ಆಗಿದೆ.
ದೇಶದ ಇತರೆ ನಗರಗಳಲ್ಲಿ ಚಿನ್ನದ ದರ
ಬೆಂಗಳೂರು ಮಾತ್ರವಲ್ಲ, ದೇಶದ ಪ್ರಮುಖ ನಗರಗಳಲ್ಲಿಯೂ ಚಿನ್ನದ ಬೆಲೆ ಏರಿಕೆಯಾಗಿದೆ. 22 ಕ್ಯಾರಟ್ ಆಭರಣ ಬೆಲೆ ಚೆನ್ನೈನಲ್ಲಿ 10 ಗ್ರಾಂ ಬಂಗಾರದ ದರ 91,000 ರೂ. ಗೆ ಹೆಚ್ಚಾಗಿದ್ದು, ವಾಣಿಜ್ಯ ರಾಜಧಾನಿ ಮುಂಬೈ, ಕೋಲ್ಕತ್ತದಲ್ಲಿ ಸಹ 91,000 ರೂ. ಆಗಿದೆ. ಈ ಮಧ್ಯೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ 22 ಕ್ಯಾರಟ್ ಆಭರಣ ಬೆಲೆ 10 ಗ್ರಾಂ ಗೆ 91,150 ರೂ. ಆಗಿದೆ. ಹಾಗೆ, 24 ಕ್ಯಾರಟ್ ಬಂಗಾರದ ಬೆಲೆ ಚೆನ್ನೈ, ಮುಂಬೈ 99,280 ರೂ. ಹಾಗೂ ಕೋಲ್ಕತ್ತದಲ್ಲಿ 99,280 ರೂ. ಗೆ ಏರಿಕೆಯಾಗಿದ್ದರೆ ದೆಹಲಿಯಲ್ಲಿ 99,430 ರೂ. ಆಗಿದೆ.
ಬೆಳ್ಳಿ ಬೆಲೆ ಎಷ್ಟಿದೆ..
ಬಂಗಾರದ ಬೆಲೆಯಲ್ಲಿ ಭಾರಿ ಏರಿಕೆಯಾಗಿದ್ದರೂ ಬೆಳ್ಳಿ ದರದಲ್ಲಿ ಅಲ್ಪ ಇಳಿಕೆಯಾಗಿದೆ. ಬೆಂಗಳೂರಲ್ಲಿ 1 ಕೆಜಿ ಬೆಳ್ಳಿ ಮೌಲ್ಯ 1,08,900 ರೂ. ಆಗಿದ್ದು, ನಿನ್ನೆಗಿಂತ 100 ರೂ. ಕಡಿಮೆಯಾಗಿದೆ.
ದೇಶದ ಇತರೆ ನಗರಗಳಲ್ಲಿ ಬೆಳ್ಳಿ ದರ
ಅಂದ ಹಾಗೆ, ದೇಶದ ಇತರೆ ನಗರಗಳಲ್ಲಿ ಸಹ ಬೆಳ್ಳಿ ದರದಲ್ಲಿ ಯಥಾಸ್ಥಿತಿ ಕಾಯ್ದುಕೊಂಡಿದೆ.. ಚೆನ್ನೈನಲ್ಲಿ 1 ಕೆಜಿ ಬೆಳ್ಳಿ ದರ 1,18,900 ರೂ. ಇದ್ದರೆ, ಮುಂಬೈ, ಕೋಲ್ಕತ್ತ ಹಾಗೂ ದೆಹಲಿಯಲ್ಲಿ ಇದರ ಬೆಲೆ 1,08,900 ರೂ. ಆಗಿದ್ದು ಬೆಲೆಯಲ್ಲಿ ಅಲ್ಪ ಕಡಿಮೆಯಾಗಿದೆ.
