ದೇಶದ ಭದ್ರತೆಗೆ ಸವಾಲು ಹಾಕಿ, ಅಮಾಯಕರ ರಕ್ತ ಹರಿಸಲು ಸಂಚು ರೂಪಿಸುವ ದೇಶದ್ರೋಹಿಗಳಿಗೆ ಎಲ್ಲಿದ್ದರೂ ರಕ್ಷಣೆ ಇಲ್ಲ ಎಂಬುದಕ್ಕೆ ಗುಜರಾತ್ ನ ಸಬರಮತಿ ಜೈಲಿನಲ್ಲಿ ನಡೆದ ಘಟನೆಯೇ ಸಾಕ್ಷಿಯಾಗಿದೆ. ರಿಸಿನ್ ಎಂಬ ಮಾರಕ ರಾಸಾಯನಿಕ ಬಳಸಿ ದೇಶಾದ್ಯಂತ ಭಯೋತ್ಪಾದಕ ದಾಳಿ ನಡೆಸಲು ಯೋಜನೆ ರೂಪಿಸಿದ್ದ ಕುಖ್ಯಾತ ಉಗ್ರ ಡಾ.ಅಹ್ಮದ್ ಗೆ ಸಹಕೈದಿಗಳೇ ಪಾಠ ಕಲಿಸಿದ್ದು, ಜೈಲಿನಲ್ಲೇ ಭರ್ಜರಿ ಧರ್ಮದೇಟು ನೀಡಿದ್ದಾರೆ.
ವೈದ್ಯಕೀಯ ವೃತ್ತಿಯ ಮುಖವಾಡ ಧರಿಸಿ ದೇಶವನ್ನೇ ಸ್ಮಶಾನ ಮಾಡಲು ಹೊರಟಿದ್ದ ಈತನ ಕೃತ್ಯಕ್ಕೆ ಜೈಲಿನ ಇತರೆ ಕೈದಿಗಳ ರಕ್ತ ಕುದಿದಿದೆ. ಪರಿಣಾಮ, ಉಗ್ರ ಅಹ್ಮದ್ ಈಗ ತೀವ್ರವಾಗಿ ಗಾಯಗೊಂಡು ಆಸ್ಪತ್ರೆಯ ಬೆಡ್ ಏರುವಂತಾಗಿದೆ.
ದೇಶದ ಹಲವು ಕಡೆಗಳಲ್ಲಿ ವಿಧ್ವಂಸಕ ಕೃತ್ಯ ಎಸಗಲು ಸಂಚು ರೂಪಿಸಿದ್ದ ಈ ಡಾ. ಅಹ್ಮದ್ ನನ್ನು ಭದ್ರತಾ ಪಡೆಗಳು ಹೈದರಾಬಾದ್ ನಲ್ಲಿ ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದವು. ತನಿಖೆ ಮತ್ತು ವಿಚಾರಣೆಗಾಗಿ ಈತನನ್ನು ಗುಜರಾತ್ ನ ಅತಿ ಹೆಚ್ಚು ಭದ್ರತೆ ಇರುವ ಸಬರಮತಿ ಜೈಲಿಗೆ ಸ್ಥಳಾಂತರಿಸಲಾಗಿತ್ತು. ಆದರೆ ಈತನ ದೇಶದ್ರೋಹದ ಕೃತ್ಯದ ಬಗ್ಗೆ ತಿಳಿದ ಜೈಲಿನ ಇತರೆ ಕೈದಿಗಳು ಆಕ್ರೋಶಗೊಂಡಿದ್ದರು.
ದೇಶದ ಅನ್ನ ತಿಂದು ದೇಶಕ್ಕೆ ದ್ರೋಹ
ಬಗೆಯುವವರನ್ನು ನಾವು ಸುಮ್ಮನೆ ಬಿಡುವುದಿಲ್ಲ ಎಂಬಂತೆ ವರ್ತಿಸಿದ ಕೈದಿಗಳು, ಅಹ್ಮದ್ ನಿದ್ದ ಸೆಲ್ ನೊಳಗೆ ನುಗ್ಗಿ ಮನಬಂದಂತೆ ಥಳಿಸಿದ್ದಾರೆ. ಹೆಚ್ಚಿನ ಭದ್ರತೆಯ ಬ್ಯಾರಕ್ ನಲ್ಲಿದ್ದರೂ ಸಹ, ಇತರೆ ಕೈದಿಗಳು ಒಟ್ಟಾಗಿ ಈತನ ಮೇಲೆ ಮುಗಿಬಿದ್ದಿದ್ದಾರೆ.
ಪೊಲೀಸರು ಬರದಿದ್ದರೆ ಪ್ರಾಣವೇ ಹೋಗುತ್ತಿತ್ತು!
ಜೈಲಿನ ಸಿಬ್ಬಂದಿ ಮತ್ತು ಕರ್ತವ್ಯ ನಿರತ ಪೊಲೀಸ್ ಅಧಿಕಾರಿಗಳು ಸಕಾಲದಲ್ಲಿ ಮಧ್ಯಪ್ರವೇಶಿಸದೇ ಹೋಗಿದ್ದರೆ ಉಗ್ರನ ಪ್ರಾಣಪಕ್ಷಿ ಹಾರಿಹೋಗುತ್ತಿತ್ತು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಕೈದಿಗಳ ಆಕ್ರೋಶದ ಕಟ್ಟೆ ಯಾವ ಮಟ್ಟಿಗೆ ಒಡೆದಿತ್ತು ಎಂದರೆ, ಉಗ್ರನ ಚೀರಾಟ ಇಡೀ ಜೈಲಿಗೆ ಕೇಳಿಸುವಂತಿತ್ತು. ಗದ್ದಲ ಕೇಳಿ ತಕ್ಷಣ ಸ್ಥಳಕ್ಕೆ ಧಾವಿಸಿದ ಕಾವಲುಗಾರರು, ದಾಳಿ ಮಾಡುತ್ತಿದ್ದವರಿಂದ ಉಗ್ರನನ್ನು ಅತಿಕಷ್ಟದಿಂದ ಬಿಡಿಸಿ ದೂರ ಎಳೆದೊಯ್ದಿದ್ದಾರೆ. ಸದ್ಯ ತೀವ್ರ ಸ್ವರೂಪದ ಗಾಯಗಳಾಗಿರುವ ಅಹ್ಮದ್ ನನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಏನಿದು ರಿಸಿನ್ ದಾಳಿ ಸಂಚು?
ಆರೋಪಿ ಅಹ್ಮದ್ ಸಾಮಾನ್ಯ ವ್ಯಕ್ತಿಯಲ್ಲ, ಈತ ಚೀನಾದಲ್ಲಿ ವೈದ್ಯಕೀಯ ಪದವಿ ಪೂರೈಸಿದ ಉನ್ನತ ವಿದ್ಯಾಭ್ಯಾಸವುಳ್ಳ ವ್ಯಕ್ತಿ. ಆದರೆ ಭಾರತದಲ್ಲಿ ವೃತ್ತಿ ನಡೆಸಲು ಅಗತ್ಯವಿರುವ ಎಂಸಿಐ ಪರೀಕ್ಷೆಯಲ್ಲಿ ಪಾಸಾಗಲು ವಿಫಲನಾಗಿದ್ದ. ತನ್ನ ಅರೆಬರೆ ಜ್ಞಾನವನ್ನು ಮತ್ತು ವಿದೇಶಿ ಸಂಪರ್ಕವನ್ನು ಬಳಸಿಕೊಂಡು ಈತ ಹರಳೆಣ್ಣೆ ಬೀಜಗಳಿಂದ (Castor seeds) ರಿಸಿನ್ ಎಂಬ ಅತ್ಯಂತ ಅಪಾಯಕಾರಿ ವಿಷವನ್ನು ತಯಾರಿಸಲು ಮುಂದಾಗಿದ್ದ. ಈ ವಿಷವನ್ನು ಬಳಸಿ ದೇಶದ ಪ್ರಮುಖ ಕಡೆಗಳಲ್ಲಿ ದಾಳಿ ನಡೆಸುವುದು ಈತನ ಟಾರ್ಗೆಟ್ ಆಗಿತ್ತು ಎಂದು ಎಫ್ ಐಆರ್ ನಲ್ಲಿ ಉಲ್ಲೇಖಿಸಲಾಗಿದೆ.
ಒಟ್ಟಿನಲ್ಲಿ, ದೇಶಕ್ಕೆ ಕೇಡು ಬಯಸುವವರಿಗೆ ಜೈಲಿನ ಸರಳುಗಳ ಹಿಂದೆಯೂ ನೆಮ್ಮದಿ ಸಿಗುವುದಿಲ್ಲ ಎಂಬುದನ್ನು ಸಬರಮತಿ ಜೈಲಿನ ಕೈದಿಗಳು ಸಾಬೀತುಪಡಿಸಿದ್ದಾರೆ. ಈ ಘಟನೆಯ ಕುರಿತು ಜೈಲು ಅಧಿಕಾರಿಗಳು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
